ـ1ـ
بْحِسّ فِيكِي.. وَينْ مَا كِنْتِي
وِبْتِلْمَع قْبَالِي
عَ شَاشة خْيَالِي
حَبَّاتْ لُولُو مْنِ الْهَوَا صِنْتِي..
ـ2ـ
وْصَوْتِكْ.. يَا أَحْلَى صَوْتْ
مْعَلَّقْ بِـ دِينَيِّي
بْيِتْمَرْجَل عْلَيِّي
وْبِيشدّنِي لْصَوْبِكْ
تَا إِسْكُن بْقَلْبِكْ
وْبَيْنِي وْبَينِكْ.. مَوتْ!!
ـ3ـ
مُشْ حَقّ حَاكِيكِي
أَوْ إِلْتِقِي فِيكِي
شَمْس الدِّنِي بْتِسْوَدّْ
انْ جِرَّبْتْ إِطْفِيكِي
انْ جَرَّبتْ إِنِّي مِدّْ
إِيدْ الْخَطِيِّه وْشِدّْ
وْبِالْعَارْ.. إِرْمِيكِي!!
**
